జ్ఞాపకాల పొదరిళ్ళు ఆ వూళ్ళు – 26 - నాన్నగారి వూరు ఏలూరు వివరాలు -2
మా
బామ్మగారు నేర్పిన బ్రహ్మసమాజ గీతం
దీనిని కృష్ణశాస్త్రిగారు –
పార్వతీశ్వర కవుల ‘ఉదయ గానము’ చదివి ప్రతిస్పందనగా ‘లేదోయి నిదురలో లేదోయి సుగతి ‘ గీతాన్ని రచించారు. అప్పట్లో ఈ గీతం ఎంతో ఉత్తేజకరంగా వుండి, అందరూ కలిసి పాడుకుంటూ వుండేవారట. ఈ పాట ఎంత గొప్పగా వుందో.... మా బామ్మగారు మాకు బ్రహ్మసమాజ గీతాల పుస్తకాన్ని ఇచ్చారు.
ఆవిడ ఉన్నప్పుడు టెక్నాలజీ ఇంత
బాగా డెవలప్ అవలేదు. పైగా నేను మధ్యలో
అమ్మాయిని అవడం వల్ల మేము అన్నీ తెలుసుకునే సమయానికి వాళ్ళు మాయమైపోయారు.
సద్దుచేయక రేయి సాగిపోయినది
పొద్దు చీకటి తెరల పొంచి చూచినది
మిద్దెలోపలి దివ్వె మింటికెగసినది
లేదోయి నిదురలో లేదోయి సుగతి
చూడవా కన్నెత్తి చూడవా జగతి
అన్నదమ్ములు చేతులందుకొన్నారు
ఆలుబిడ్డలు తోడు నీడలైనారు
ప్రాణులందరు కూడ పథికులైనారు
లేదోయి నిదురలో లేదోయి సుగతి
చూడవా కన్నెత్తి చూడవా జగతి
కోటలో కొలువులో మేటి రారాజై
వేయి చేతులు చాచి వెలుగుచున్నాడు
పేరు పేరున నిన్ను పిలుచుచున్నాడు
లేదోయి నిదురలో లేదోయి సుగతి
చూడవా కన్నెత్తి చూడవా జగతి
మింటిపై బురుజుపై గంట మోగినది
కొండపై కోనపై జెండ వూగినది
గుండె గుండెకు పిల్పు కొసరి సాగినది
లేదోయి నిదురలో లేదోయి సుగతి
చూడవా కన్నెత్తి చూడవా జగతి
కామెంట్లు లేవు:
కామెంట్ను పోస్ట్ చేయండి